Gobaith i Gymru - Hope for Wales

Ar hyn o bryd, un aelod o staff sydd gan gig, sef Arfon Jones. Mae Arfon, Swyddog maes gig, yn efengylwr profiadol, yn weithiwr ieuenctid, ac yn bregethwr, sydd wedi gweithio ar y BCN diwygiedig ers rhai blynyddoedd. Bydd hyfforddi Cymry Cymraeg ar gyfer gwaith efengylu yn rhan bwysig o’i waith. Cyn ymuno â gig, Arfon oedd ysgrifennydd y Cynghrair Efengylaidd yng Nghymru. Pe hoffech ragor o wybodaeth, neu os hoffech i gynrychiolydd ymweld â’ch eglwys i siarad am gig, croeso i chi gysylltu ag Arfon Jones (Swyddog maes), Siôn Meredith (Cadeirydd) neu Ceri Darcy (Ysgrifennydd) drwy’r cyfeiriad isod.

Nid dim ond mudiad ar gyfer pobl sy’n siarad Cymraeg yw gig! Dylai’r gwaith sydd o’n blaenau fod yn eiddo i’r eglwys gyfan, beth bynnag yw’r iaith a addolir ynddi. Byddem yn gwerthfawrogi eich gweddïau. Gweddïwch yn arbennig y bydd ewyllys Duw yn cael ei wneud yn y maes hwn, ac y bydd yr adnoddau sydd eu hangen yn cael eu darparu. Os hoffech gyfrannu’n ariannol i gig, cysylltwch â’r trysorydd drwy’r cyfeiriad isod. Mae ffurflenni i gael wrth glicio’r ddolen ‘Cefnogi gig’ ar y chwith.